بسم الله الرحمن الرحیم 
«تَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ»
سورة المائدة : 2

د پیمان خیریه بنسټ د تآسیس په اړه معلومات

د پیمان خیریه بنسټ په ۱۳۹۳ هجري شمسي کال کي د لوګر په ولایت کې تاسیس شوې او په فعالیت یې پیل کړی دی. مؤسس او بنسټ اېښودونکی یې الحاج محمد شاه «پیمان» دی، چې د لوګر د محمدآغې ولسوالۍ د زرغون ښار د کلي اوسیدونکی دی، چې له تېرو ۲۳ کلونو راهیسې د خپل کورنۍ سره په سویډن کې اوسیږي.

دغي ټولني د ښه نیت او ښه احساس په منظور او د لوی خدای ( ج) د رضا د حاصلولو لپاره غوښتي دي چي خپلو بې وزلو او اړو هیوادوالو ته چې وروستیو څو لسیزو جګړو له ډېرو ناخوالو او ستونزو سره مخ کړي دي مرستي و رسوي. دغه ټولنه تر اوسه پوري بريالۍ شوې ده چې د دې تېرو درېيو کلونو فعالیت له لاري سلګوني بېچاره او بې بضاعته کورنۍ په ټول هیواد کې او په تېره بيا په لوګر او کابل ولایتنو کې د خپلو بشري مرستو تر پوښښ لاندې را و لي.  

د پیمان خیریه بنسټ د خپلې اساسنامې او قوانینو له مخې یوه نا پېيلې خیریه، غیرې انتقاعي اوغیرې سیاسي بنسټ ده، چې په هیڅ حزب، ټولنې، قوم، سمت يا ژبې پورې تړاو نه لري.

د دې خیریه بنسټ ټولې مرستې په لومړي پيل کي د افغانستان له بې وزلو او اړو کورنیو سره پرته له کوم تبعیض لرلو، قوم يا ژبي پالنې او يا له سیاسته شوي دي.

د یادونې وړده چې د پیمان خیریه بنسټ ټولې شوې مرستې تر اوسه د الحاج محمد شاه پیمان په شخصي لګښت، چې د بسنټ مؤسس او بنسټ اېښودونکی دی، شوي دي.  

تر اوسه د پیمان خیریه بنسټ د خپلي شخصي بودجې له لارې په دې لاندي برخو کې مرستې کړې دي:

د پیمان خیریه بنسټ ډاډ ورکوي، چې د خپلې اساس نامې له مخې به په را تلونکې کي په ټول هيواد کي خپلې هر اړخيزي بشري مرستې هغو هيوادوالو ته چې بېچاره او اړ وي و رسوي.

دا بنسټ غواړي، چې په امریکا، اروپا او کاناډا کې هم د میشتو افغانانو مالي مرستې د افغان بېوزلو کورنیو سره د مرستو لپاره را جلب کړي تر څو له دې لارې وکولای شي د افغانستان په دننه کې له سلګونو مسکینو او بې وزلو کورنیو سره چې په کابل، لوګر او یاهم نورو ولایتونو کي وي خپلي مرستي و رسوي.

د یادونې وړ ده، چې دغه بنسټ په پام کې لري، چې په را تلونکې کي بهرنیو هیوادونو ته د بېوزلو ناروغانو کوم چي په افغانستان کي يې درملنه نه کيږي د لېږد او درملنې زمینه هم برابره کړي.  

د دې بنسټ يو لوی او په زړه پوري هدف دا هم دی چي د امکان تر حده لومړی د لوګر ولايت په ښوونځيو کي د پوهني په برخه کي کي مرستي و کړي او بيا دغه مرستي نورو ولايتونو ته و غځوي څو د هيواد زدکوونکي له دې لاري پر خپلو پښو و دريږي.

په درناوي
الحاج محمد شاه پیمان
د پیمان خیریه بنسټ رئیس